ÇL: “Sabah”ın növbəti mərhələdəki potensial rəqibləri müəyyənləşdi

“Sabah” komandasının UEFA Çempionlar Liqasının III təsnifat mərhələsindəki potensial rəqibləri bəlli olub.

Valdas Dambrauskasın baş məşqçisi olduğu kollektiv II təsnifat mərhələsində Finlandiyanın “KuPS” klubunu məğlub etsə, “Orxus” (Danimarka) – “Lex” (Polşa) cütünün qalibi ilə görüşəcək.

Xatırladaq ki, UEFA Çempionlar Liqasında III təsnifat mərhələsinin oyunları 4-5 və 11 avqustda keçiriləcək.