Uzunömürlülük həvəsi bir müddət sonra əks təsir göstərir

Sağlamlıq və bioloji optimallaşdırma sahəsinə marağın artması bəzi insanlarda uzunömürlülüyə həddindən artıq bağlılığa çevrilə bilər.

Sesxeber.com bildirir ki, mütəxəssislər bu vəziyyəti “uzunömürlülüyə fokuslanma sindromu” adlandırırlar.

Belə insanlar sağlamlıq göstəricilərini daim izləyir, sərt qidalanma və yuxu rejimlərinə əməl edir, müxtəlif əlavələrdən istifadə edir və nəticədə sosial həyatlarını məhdudlaşdıra bilirlər.

Həkimlər bildirirlər ki, uzun yaşamaq istəyinin yaratdığı davamlı stress əks təsir göstərə bilər.

Mütəxəssislərə görə, sağlam və uzun ömür üçün balanslı həyat tərzi ilə yanaşı, psixi sağlamlıq və yaxınlarla keyfiyyətli münasibətlər də mühüm rol oynayır.