Alimlərin fikrincə, həyatın ilkin formaları Yer kürəsindən daha çox Marsda yaranmış ola bilər.
Sesxeber.com Naked Science nəşrinin məlumatına əsasən bildirir ki, yeni kompüter modelləşdirməsi göstərib ki, erkən Yerə kometlərlə daşınan üzvi molekulların əksəriyyəti atmosferdən keçərkən, səthlə toqquşduqda və ya okeana düşdükdə məhv olub.
Marsda isə atmosferin daha seyrək, cazibə qüvvəsinin daha zəif olması səbəbindən fərqli şərait mövcud olub. Modelləşdirməyə əsasən, Marsda mürəkkəb üzvi birləşmələrin yaranması üçün zəruri olan sianid turşusunu kifayət qədər ehtiva edən kometlərin qorunub saxlanılması ehtimalı Yerlə müqayisədə 8,5 dəfə çox olub.
Alimlər hesab edirlər ki, bu amillər Marsda həyatın yaranması üçün daha əlverişli ilkin şərait formalaşdırmış ola bilər.
