Amerikalı Tommi Çerri 3×3 Rubik kubunun gözləri bağlı yığılması üzrə inanılmaz nəticəyə imza ataraq dünya rekordunu yeniləyib.
Sesxeber.com xəbər verir ki, Tommi Çerri Rubik kubunu gözləri bağlı cəmi 11,56 saniyəyə yığmağı bacarıb. Maraqlıdır ki, bu nəticəyə kubdakı rənglərin düzülüşünü yadda saxlamaq üçün sərf olunan vaxt da daxildir.
Rekord 28 iyun 2026-cı ildə ABŞ-nin Nyu-Cersi ştatının Brançberq şəhərində keçirilən Mid-Atlantic Quiet Championship 2026 turnirində qeydə alınıb. Nəticə Dünya Kub Assosiasiyasının (WCA) rəsmi statistikasında dünya rekordu kimi göstərilib.
Çerri bununla avstraliyalı Çarli Egginsə məxsus əvvəlki rekordu yeniləyib.
Eggins 2026-cı ilin yanvarında Rubik kubunu gözləri bağlı 11,67 saniyəyə yığmışdı. Amerikalı rekordçu həmin göstəricini 0,11 saniyə yaxşılaşdırıb.
