34
Avropa Komissiyası internetdə uşaqların müdafiəsini nəzərdə tutan “EU KIDS Act” layihəsini təqdim edib.
Sesxeber.com bildirir ki, yeni reqlamentə əsasən, 13 yaşdan kiçik uşaqlara sosial şəbəkələrdən istifadə etmək tam qadağan olunacaq. Onlar yalnız valideyn hesabları vasitəsilə gün ərzində maksimum 1 saat uşaq videolarına baxa biləcəklər. 13-15 yaşlılar üçün valideyn nəzarəti altında mini-hesablar yaradılacaq, müstəqil hesab açmaq üçün minimum yaş həddi isə 15 olacaq.
Platformalar istifadəçilərin yaşını biometrik məlumatları yadda saxlamayan xüsusi tətbiqlə yoxlamalı və xidmətlərin 18 yaşdan kiçiklər üçün təhlükəsiz olduğunu özləri sübut etməli olacaqlar. Sənəd təsdiqlənmək üçün Avropa Parlamentinə və Aİ Şurasına təqdim olunub.
