ABŞ-nin Massaçusets ştatında 17 yaşlı Arjun Aravind anası və 14 yaşlı qardaşını öldürməkdə ittiham olunub.
Sesxeber.com bildirir ki, araşdırma zamanı onun cinayətdən əvvəl internetdə və süni intellekt vasitəsilə ailəsinin öldürülməsi ilə bağlı müxtəlif ssenarilər araşdırdığı məlum olub.
Prokurorluğun məlumatına görə, yeniyetmə aylar ərzində, o cümlədən hadisə günü süni intellektdən istifadə edərək ölüm və cinayətlə bağlı hekayələr hazırlayıb və ailəsinin ölümü ilə bağlı suallar verib.
Bununla belə, “ChatGPT”nin ona birbaşa cinayət törətmək təlimatı verdiyi iddia olunmur.
Aravind hadisədən sonra anasına məxsus avtomobillə evdən uzaqlaşıb və təxminən 21 kilometr məsafədə saxlanılıb. O, məhkəmədə özünü təqsirli bilməyib və girov hüququ olmadan həbs edilib.
