27
Bakı şəhərində avtobusların qrafikə uyğun və gecikmədən hərəkətini təmin etmək məqsədilə Ziya Bünyadov prospektində avtobus zolağının qüvvədəolma müddəti artırılıb.
Sesxeber.com bildirir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Belə ki, Ziya Bünyadov prospektinin Atatürk prospekti ilə kəsişməsindən Azadlıq prospekti ilə kəsişməsinədək olan hissəsində, Metronun 20 Yanvar stansiyası istiqamətində avtobus zolağının axşam saatlarında fəaliyyət müddəti 1 saat artırılıb.
Əvvəllər avtobus zolağı 17:00-20:00 aralığında qüvvədə olub. Dəyişikliyə əsasən, bundan sonra zolaq 17:00-21:00 aralığında qüvvədə olacaq.
Sürücülərdən edilən dəyişikliyi nəzərə alaraq diqqətli olmaları xahiş olunur.
