Sabah Sumqayıtın bəzi ərazilərində qaz təchizatında müvəqqəti məhdudiyyət yaranacaq.
Sesxeber.com bildirir ki, bu barədə “Azəriqaz” İB Sumqayıt QİS məlumat yayıb.
Bildirilib ki, şəhərin Heydər Əliyev prospektində korroziyaya uğramış diametri 159 mm olan yeraltı ortatəzyiqli qaz xəttinin 225 mm-lik polietilen qaz xətləri ilə əvəzlənməsi ilə əlaqədar yeni çəkilmiş xətlərin qaz mənbəyinə qoşulması məqsədilə təmir işləri aparılacaq.
Bununla əlaqədar avqustun 14-də saat 10:00-dan “Şəhər-1” diametri 315 mm olan yeraltı ortatəzyiqli qaz xəttinin bir hissəsində qaz təchizatı dayandırılacaq.
Nəticədə Sumqayıtın 1, 2, 3, 4, 5, 7-8-9, 12, 14, 15, 16, 17, 18, 19, 20, 21, 29, 34 və 49-cu məhəllələri, 1, 2, 5 və 6-cı mikrorayonları, Qızılqum və “Betonzavod” əraziləri, həmçinin İnşaatçılar qəsəbəsində yaşayan ümumilikdə 29 min abonentin qaz təchizatında məhdudiyyət yaranacaq.
Təmir işləri başa çatdıqdan sonra qazın verilişi bərpa ediləcək.
