Alimlər Doğubayazıt rayonunda (Ağrı vilayəti) gəmi formasındakı geoloji anomaliyanın öyrənilməsində irəliləyiş əldə ediblər.
Sesxeber.com bildirir ki, 300-dən çox torpaq nümunəsinin analizi göstərib ki, obyektin daxilindəki üzvi maddələrin miqdarı ətraf torpaqdakı göstəricilərdən üç dəfə çoxdur.
Radar skaneri yeraltında düz bucaqlar, təbəqələr, boşluqlar və mümkün tunellər aşkar edib ki, bu da insan fəaliyyətinin ehtimal olunduğunu göstərir. Hipotezi yoxlamaq üçün tədqiqatçılar ilk dəfə olaraq süxur nümunəsi (kern) götürməklə qazma işləri aparıblar. Mütəxəssislər nümunələri çürük ağac izləri, heyvan qalıqları və insan varlığının əlamətləri üçün araşdırırlar. Laboratoriya analizlərinin nəticələri və ətraflı hesabat gələn il təqdim olunacaq.
