31
“Sabah” futbol komandası sentyabrın 10-da UEFA Çempionlar Liqasının ümumi mərhələsinin ilk turunda İngiltərədə “Mançester Yunayted”in qonağı olacaq.
Sesxeber.com xəbər verir ki, “The Sun” nəşri “Old Trafford” stadionunda keçiriləcək qarşılaşmanın biletlərinin hələ də satışda olduğunu yazır.
Mənbənin məlumatına görə, təkrar satış platformasında stadionun yuxarı sektorları üçün biletlərin qiyməti 86 funt sterlinqdən (192 AZN) başlayır. Aşağı sektorlarda isə ən ucuz biletlər 120 funt sterlinqə (268 AZN) təklif olunur.
Nəşr matçın başlama vaxtı yaxınlaşdıqca qiymətlərin arta biləcəyini qeyd edib.
Matç Bakı vaxtı ilə saat 23:00-da başlayacaq.
