71
Oktay Saral vəzifədən ayrıldığını təsdiqləyib.
Sesxeber.com xəbər verir ki, türk jurnalist Talat Atilla Türkiyə Prezidentinin baş müşaviri Oktay Saralın vəzifədən ayrıldığını təsdiqlədiyini bildirib.
Jurnalist bildirib ki, Sarala zəng edərək vəzifədən azad edilib-edilmədiyini soruşub:
“Bəli. Postlarımızda daimi deyilik. Hörmətli Prezidentimiz məni vəzifəyə gətirdi, onun göstərişi ilə ayrıldım. Heç kimdən incikliyim yoxdur”, – dedi.
“Azərbaycanla bağlı açıqlamalarınıza görəmi?” deyə soruşdum.
“Bəli, elə görünür”, – deyə cavab verdi. Ardınca bu ifadələri işlətdi:
“Əsas olan Türkiyə Cümhuriyyətidir. Əsas olan hörmətli Prezidentimizin uğurudur”.
