Bakıda cüdo üzrə şəhər birinciliyi keçirilib

20 yaşadək cüdoçular arasında Bakı şəhər birinciliyi təşkil olunub.

Sesxeber.com bildirir ki, Abşeron Olimpiya Kompleksində keçirilən yarışda 34 klub və idman cəmiyyətindən 200 idmançı mübarizə aparıb. Onlardan 162-si oğlan, 38-i isə qız olub. Cüdoçular 13 çəki dərəcəsində qüvvələrini sınayıblar.

Yekun nəticələrə əsasən, komanda hesabında “Judo Club 2012” (3 qızıl, 1 gümüş, 5 bürünc medal) birinci, “Neftçi” İdman Klubu (2 qızıl, 3 gümüş, 3 bürünc medal) ikinci, “Azəri-Cüdo” İdman Klubu İctimai Birliyi (2 qızıl, 1 bürünc medal) isə üçüncü yeri tutub. Qalib komandalara müvafiq kuboklar təqdim olunub.

Qeyd edək ki, yarışın əsas məqsədi kvotalar əsasında ölkə birinciliyində iştirak edəcək idmançıları müəyyənləşdirmək olub.