Moskva-Bakı aviareysi ilə gələn Rusiya vətəndaşının əl yükündə odlu silaha aid patronlar aşkar edilib.
Sesxeber.com bildirir ki, bu barədə Dövlət Gömrük Komitəsi məlumat yayıb.
Bildirilib ki, sözügedən şəxsin əl yüklərinə stasionar rentgen qurğusunda keçirilən baxış zamanı monitorda şübhəli cizgilər müşahidə olunub. Daha sonra aparılan yoxlama nəticəsində əl yükündəki ayaqqabının içərisində gizlədilən 11 ədəd patron aşkar edilib.
Ekspertiza tədqiqatı nəticəsində patronların zavod üsulu ilə istehsal edilən 9×18 mm kalibrli, atəşə yararlı döyüş sursatları olduğu müəyyənləşdirilib.
