Tam orta təhsil səviyyəsində xarici dil fənləri üzrə 2027-ci ildə tətbiqi nəzərdə tutulan yeni imtahan modeli açıqlanıb.
Sesxeber.com bildirir ki, bu barədə məlumat Dövlət İmtahan Mərkəzinin rəsmi saytında dərc olunub.
Yeni modelə əsasən, imtahan ümumilikdə 26 test tapşırığından ibarət olacaq. Bunlardan 25-i qapalı tipli, 1-i isə yazılı tapşırıq olacaq.
İmtahanın strukturuna 1 dinləmə mətni və həmin mətn əsasında hazırlanmış 4 qapalı tipli test tapşırığı daxil ediləcək. Bu tapşırıqlardan 3-ü çoxseçimli, 1-i isə doğru və yanlış cavabın seçilməsini tələb edən formada olacaq.
Bundan əlavə, imtahanda 2 oxu mətni təqdim ediləcək. Hər mətn üzrə 4 olmaqla, ümumilikdə 8 qapalı tipli test tapşırığı veriləcək. Bu tapşırıqların 3-ü çoxseçimli, 1-i isə doğru və yanlış cavabın seçilməsi formasında olacaq.
İmtahanın digər hissəsində qrammatik və leksik bilikləri yoxlayan 13 qapalı tipli test tapşırığının təqdim edilməsi nəzərdə tutulur.
