4
ABŞ-ın dörd ştatı — Kaliforniya, Kolorado, Kentukki və Nyu-Cersi — Meta şirkətinə qarşı məhkəmə iddiaları qaldırıb və şirkətdən ümumilikdə 1,4 trilyon dollaradək cərimə ödənilməsini tələb edir.
İddiaçı ştatların mövqeyinə görə, Facebook və Instagram platformaları gənc istifadəçilərdə asılılıq formalaşdıracaq şəkildə qurulub. Bundan əlavə, şirkət həmin platformaların nə dərəcədə təhlükəsiz olması ilə bağlı cəmiyyəti çaşdırmaqda ittiham olunur.
Tələb edilən məbləğin miqyasını təsəvvür etmək üçün bir müqayisə kifayətdir: 1,4 trilyon dollar Meta-nın hazırkı bazar dəyərinə (təqribən 1,5 trilyon dollar) az qala bərabərdir.
